Payak na hapunan

PAYAK NA HAPUNAN

muli, payak ang hapunan
sibuyas, kamatis, bawang,
okra at tuyong hawot man
basta malamnan ang tiyan

habang nagninilay pa rin
sa harap man ng pagkain
tila may binubutinting
sa diwa't paksa'y pasaring

upang tayo na'y mauntog
laban sa buwitreng lamog
buwayang di nabubusog
pating na lulubog-lubog

isip ay kung anu-ano
kayraming tanong at isyu
mga kurakot na loko
ba'y paano malulumpo?

- gregoriovbituinjr.
01.10.2026

Comments

Post a Comment

Popular posts from this blog

Biskwit na tipi

Image
BISKWIT NA TIPI nang minsang sa Balayan umuwi sa lalawigan ng aking ama sa bayan ay bumili ng tipi na biskwit na hilig ko noon pa wala kasing tipi sa Maynila na kung meron, akin nang binili pag nakita'y gagastusang sadya pagkat diyan ako nawiwili nang minsang aking ina'y dalawin nagmano ako't kami'y nag-usap tipi'y di ko nalimutang bilhin nang umalis sa lupang pangarap nagninilay ay lalantakan ko ang tiping kaysarap na totoo habang hinahabi'y tula't kwento at may ilang binabasang libro - gregoriovbituinjr. 12.29.2024
Read more

Talong at SiBaKa

Image
TALONG AT SIBAKA talong,  SI buyas,  BA wang,  KA matis ang aking pananghaliang wagas sa trabaho ma'y punò ng pawis malasa, ito ang pampalakas tara, tayo nang mananghalian kaunti man, pagsaluhan natin gaano man kapayak ang ulam kita'y maghating kapatid pa rin ang  SIBAKA  ay di mawawalâ minsan, may karne; madalas gulay paminsan-minsan naman, may isdâ dahil sa protina nitong taglay tulong talaga ang talong dito mapapalatak, nakabubusog O, mga kasama ko't katoto pagsaluhan na ang munting handog - gregoriovbituinjr. 11.16.2025
Read more

Doble presyo na ang okra

Image
  DOBLE PRESYO NA ANG OKRA nuong isang araw, sampung piso lang ang santaling okra, na lima ang laman, ngayon na'y bente pesos ang gayong okra, dumobleng gastos pamahal ng pamahal ang gulay bente pesos na rin ang malunggay pati tatlong pirasong sibuyas tatlong kamatis na pampalakas O, okra, bakit ka ba nagmahal? tulad ka rin ng ibang kalakal na supply and demand ang prinsipyo sadyang ganyan sa kapitalismo mabuting sa lungsod na'y magtanim bakasakaling may aanihin bagamat matagal pang tumubò kahit paano'y may mahahangò - gregoriovbituinjr. 11.19.2025
Read more